Os Megatoxos son catro mozos que deben compaxinar as clases no instituto cunha dobre vida que os leva a viaxar na busca dunha cura para a súa mutación xenética, un cambio provocado por unha planta moi especial: o toxo. Esta planta mutante posúe, entre outras, a capacidade de viaxar polo espazo e o tempo.
O día en que Ruxe, Faísca, Ninfa e Lúa comezaron o curso, apenas interactuaban entre eles. Porén, un accidente inesperado cambiará as súas vidas para sempre.
Decataranse de que teñen algo especial en común, máis alá de asistiren ao mesmo centro educativo, e de que na súa vida hai preocupacións máis profundas ca cumprir cos deberes escolares a tempo.
Poderes estraños, aventuras sorprendentes e encontros misteriosos. Os catro mozos terán que percorrer un longo camiño para atopar respostas na terra dos seus antepasados, os celtas...